حوالي 4 مليون بيتكوين مفقودة من أيام "ساتوشي" !!

تحذير من يوم الحساب الكمي🚨
محللون يحذرون من أن تطور الكمبيوتر الكمي خلال الـ 5-10 سنوات القادمة قد يكسر تشفير ‎#البيتكوين⁩ مما يهدد بعودة 4 مليون بيتكوين مفقودة (بقيمة 274 مليار دولار) إلى التداول وهو ما يراه البعض سبباً في تراجع أداء البيتكوين مقارنة بالذهب مؤخراً.
(ليش الحيتان القديمة ترتجف؟)
القصة ليست مجرد "تطوير تكنولوجي" القصة هي ضرب لأساس "الندرة" الذي يقوم عليه البيتكوين. خلونا نشرح أكثر...
كنز الـ 4 مليون حبة: في حوالي 4 مليون بيتكوين مفقودة من أيام "ساتوشي" والبدايات (قبل 2011). السوق حالياً بيتعامل معها كأنها "مو موجودة" الخوف إنه الكمبيوتر الكمي يقدر يطلع "المفاتيح الخاصة" لهي المحافظ إذا صار هالشي السوق رح يغرق بـ 4 مليون حبة وهاد بيعمل زلزال سعري ما حدا بيقدر يتخيله.
كسر "التشفير": #البيتكوين يعتمد على تشفير (Elliptic Curve) الكمبيوتر الكمي نظرياً بيقدر يفك هاد التشفير بدقائق والمشكلة إن المحافظ القديمة (P2PK) هي الأكثر عرضة للخطر لأن مفاتيحها العامة مكشوفة فعلياً على الشبكة.
التسعير المبكر (Structural Discount): المحلل "ويلي وو" بيقول إن السوق بلش "يسعر" هاد الخطر من هلق هاد هو السبب اللي مخلي المؤسسات الكبيرة ما تحط "كل ثقلها" بالبيتكوين ومخلي الذهب يتفوق عليه كـ "ملاذ آمن" طويل الأمد (لمدة 50 سنة مثلاً).
صعوبة التحديث: صح في أبحاث عن "تشفير مقاوم للكم" بس تحديث شبكة البيتكوين محتاج "إجماع عالمي" وهاد الشي بطيء جداً وصعب وممكن يعمل انقسامات بالشبكة.
من الآخر 🔴
الكمبيوتر الكمي هو البعبع الذي يخوف المستثمرين الطويلين الأجل القصة ليست خطر لليوم أو غدا لكن المستثمر الذي يفكر بـ 10 سنين القادمة سيسأل نفسه
"مالذي يضمنلي أن البيتكوين خاصتي سيضل بأمان؟ هي الضبابية تعمل "خصم" على قيمة البيتكوين مقابل الذهب.
الذهب ضل صامدا آلاف السنين بينما البيتكوين يواجه أكبر اختبار تقني بوجوده. #البيتكوين‬ #سوق_البيتكوين